ഗാന്ധി മാഞ്ഞുപോകും പിന്നെയല്ലേ വാരിയംകുന്നന്‍?
അമ്പരപ്പിക്കുന്ന യാതൊന്നുമില്ല മലബാര്‍ സമരത്തെ ഇന്ത്യന്‍ സ്വാതന്ത്ര്യ സമരമുന്നേറ്റത്തിന്റെ മഹാചരിത്രത്തില്‍ നിന്ന് മായ്ച്ചുകളയാനുള്ള പുതിയ നീക്കത്തില്‍. അത്തരം മായ്ച്ചുകളയലും കൂട്ടിച്ചേര്‍ക്കലും മലബാര്‍ വിപ്ലത്തില്‍ നിന്ന് തുടങ്ങിയതോ അതില്‍ അവസാനിക്കുന്നതോ അല്ല. ലോകചരിത്രത്തില്‍ എമ്പാടും ഫാഷിസം പ്രവര്‍ത്തിച്ചതും പ്രവര്‍ത്തിക്കുന്നതും അങ്ങനെയാണ്. ഫാഷിസം മാത്രമല്ല, എല്ലാത്തരം അധിനിവേശങ്ങളും അപ്പണി ചെയ്തുതന്നെയാണ് ആധിപത്യം അരക്കിട്ടുറപ്പിച്ചിട്ടുള്ളത്. കാരണം ലളിതമാണ്. വിഭജനമാണ് ഫാഷിസത്തിന്റെയും എല്ലാത്തരം സമഗ്രാധിപത്യത്തിന്റെയും വഴി. ഭിന്നസംസ്‌കൃതികളെ, ബഹുസ്വരതകളെ കൂട്ടിച്ചേര്‍ത്ത് മുന്നോട്ടുപോകല്‍ അത്തരം സംവിധാനങ്ങള്‍ക്ക് അസാധ്യമാണ്. ജനതയെ പല ശകലങ്ങളായി പിളര്‍ത്തി അതില്‍ […]
