എല്ലാ വെടിയുണ്ടകളുടെയും ലക്ഷ്യം ഭരണഘടന
പ്രിയപ്പെട്ട ഇന്ത്യക്കാരേ ജയ് ഭീം, ജയ് ഭരണഘടന. നമ്മുടെ പ്രക്ഷോഭത്തോടുള്ള സര്‍ക്കാറിന്റെ പ്രതികരണം, ഭരണഘടന എത്രമാത്രം കരുത്തുറ്റതാണെന്നും അതില്‍ ബഹുജനങ്ങളുടെ താല്പര്യം എത്രമാത്രം നിക്ഷിപ്തമാണെന്നും വ്യക്തമാക്കുന്നതാണ്. ആര്‍എസ്എസ്സിന്റെ സമ്മര്‍ദത്തിന് വഴങ്ങി പട്ടികജാതി/വര്‍ഗ (അതിക്രമം തടയല്‍) നിയമം അപ്രസക്തമാക്കാനുള്ള നരേന്ദ്രമോഡി സര്‍ക്കാറിന്റെ നീക്കം വിഫലമായത് ഭീം ആര്‍മിയും മറ്റുദളിത് സംഘടനകളും നടത്തിയ പോരാട്ടം മൂലമായിരുന്നു. സന്ത്ശിരോമണി രവിദാസ് മഹാരാജിന്റെ ഗുരുഘര്‍ പൊളിച്ചപ്പോള്‍ ഡല്‍ഹിയിലും പ്രതിഷേധത്തിന്റെ മുന്‍നിരയില്‍ ബഹുജനങ്ങളായിരുന്നു. ബഹുജനങ്ങളുടെ പ്രക്ഷോഭത്തിന് നേതൃത്വം നല്‍കിയതിന് ശിക്ഷയായി എന്നെ ജയിലില്‍ അടച്ചു. […]
