എന്താണ് കവിത?
കവിത എന്താണ് എന്ന ചോദ്യം കഠിനമാണ്. ഞാൻ അപ്പൂപ്പൻ താടിയെക്കുറിച്ച് ഒരു കവിത എഴുതിയിട്ടുണ്ട്. അതിൽ ഒരു വരി ഇങ്ങനെയാണ്. അറിവില്ലായ്മയുടെ ഭാരക്കുറവിൽ അത് പറക്കുന്നു. ഇത് ശരിക്കും കവിതയെപ്പറ്റിയുള്ള എന്റെ വീക്ഷണം കൂടിയാണ്. ഒരുപക്ഷേ ആർക്കും കവിത എന്താണ് എന്ന് ഒരു നിർവചനമായി പറഞ്ഞുവെക്കാൻ കഴിയില്ല. അതാണ് കവിതയെ വ്യത്യസ്തമാക്കുന്നതും. അതിങ്ങനെ ജീവിതം പോലെ തന്നെ ഒരു സാഗരമാണ്. ആരുടെയും പിടിയിൽ ഒതുങ്ങാത്ത ഒന്ന്.ആ സമുദ്രത്തെ ഒരു കൈക്കുമ്പിളിൽ എടുത്ത് ഇതാണ് കവിത എന്ന് പറഞ്ഞാൽ […]